Një javë më parë, kreu i Sindikatës së Pavarur të Punonjësve të Policisë së Shtetit, Sadetin Fishta, deno...
AKTUALITET
“Mund të mos më shohësh më”/ Çfarë i tha vajzës shqiptari para se të vriste ish-partneren në Greqi
PiranjatPërditësimi i fundit 24 August 2026, 19:54
Detaje të reja dalin nga hetimet për vrasjen e 45-vjeçares në Nea Smyrni të Athinës nga ish-partneri i saj shqiptar, i cili më pas vrau veten.
Autoritetet greke po hetojnë motivin, ndërsa në qendër të vëmendjes janë arma e ardhur nga Shqipëria, komunikimet e çiftit dhe veprimet e autorit përpara krimit.
Ngjarja ndodhi në orët e para të së dielës, 23 gusht, në Nea Smyrni. Sipas Newsbomb, 48-vjeçari kishte mbërritur përpara ish-partneres së tij pranë pallatit dhe e kishte pritur jashtë hyrjes. Kur 45-vjeçarja mbërriti, ai e sulmoi dhe më pas e qëlloi me revolver. Menjëherë pas vrasjes, burri përdori të njëjtën armë për të vrarë veten.
Policia greke po analizon pamjet e kamerave të sigurisë, dëshmitë e familjarëve dhe personave të afërt, si dhe telefonat dhe pajisjet elektronike të dy personave. Hetuesit synojnë të përcaktojnë se çfarë ndodhi në ditët përpara krimit dhe nëse kishte pasur një përshkallëzim të kërcënimeve dhe konflikteve mes tyre.
“Mund të mos më shohësh më”
Një pjesë e rëndësishme e hetimit lidhet me sjelljen e 48-vjeçarit vetëm disa orë përpara ngjarjes. Kumbarja e tij deklaroi për televizionin grek Alpha se ai ishte mbyllur për disa orë në dhomën e tij dhe më pas kishte shkuar të takonte vajzën.
Sipas dëshmisë së saj, burri i kishte thënë së bijës: “Mund të mos më shohësh më”, ndërsa vajza kishte reaguar duke e pyetur se përse po fliste në atë mënyrë.
48-vjeçari gjithashtu dyshohet se kishte lënë para për bashkëshorten e tij. Sipas së njëjtës dëshmi, rreth orës 04:00 ai ishte kthyer në shtëpi, kishte zgjuar gruan dhe i kishte kërkuar familjes që të kujdesej për veten, ndërsa kishte shpërthyer në lot. Ai i kishte shprehur gjithashtu vajzës dashurinë dhe i kishte thënë se ishte i trishtuar.
Revolveri ishte sjellë nga Shqipëria
Një tjetër element që po hetojnë autoritetet greke është origjina e armës së përdorur.
Sipas informacioneve të televizionit Alpha, të cituara nga Newsbomb, revolveri dyshohet se ishte sjellë nga Shqipëria në Greqi në vitin 1995, kur 48-vjeçari u vendos në këtë vend. Arma, sipas raportimit, kishte qëndruar e fshehur në banesën e tij për vite me radhë.
Newsbomb e lidh gjithashtu të kaluarën e 48-vjeçarit me shërbimin e tij në Gardën Presidenciale shqiptare, një element që media greke e ka vendosur në fokus së bashku me prejardhjen e revolverit. /PiranjatNews
