Tenderi 50 milionë euro për mirëmbajtjen e akseve rrugore kombëtare është është shndërruar në një skandal...
AKTUALITET
Ndeshja Shqipëri Luksemburg/ Bllokohet Bulevardi ku do të mbahet protesta për Zvërnecin
PiranjatPërditësimi i fundit 6 Qershor 2026, 16:23
Policia e Shtetit ka dalë sot me planin e masave për ndeshjen miqësore që do zhvillohet mes Shqipërisë dhe Luksemburgut në orën 20:00.
Uniformat blu bëjnë me dije se duke nisur nga ora 17:00 deri në përfundim të sfidës do ketë kufizime apo bllokime të qarkullimit të mjeteve në disa rrugë pranë stadiumit “Air Albania”.
Mes rrugëve të bllokuara, njoftohet dhe bllokimi i Bulevardit “Dëshmorët e Kombit”, ku është njoftuar të mbahet protesta e 7 për Zvërnecin.
Mbetet për tu parë nëse protestuesit do të çajnë kordonin si herën e kaluar, apo do ta zhvillojnë protestën në Sheshin Skënderbej.
Rrugët që do të jenë të bllokuara nga ora 17:00 deri në përfundim të ndeshjes janë:
-Bulevardi “Dëshmorët e Kombit”, nga hotel “Rogner” në drejtim të sheshit “Nënë Tereza”;
-Rruga “Papa Gjon Pali II”, te kryqëzimi i RTSH-së;
-Rruga “Dervish Hima”, pranë Ambasadës së SHBA-së;
-Rruga “Asim Zeneli”, pranë Ambasadës së SHBA-së;
-Rruga “Themistokli Gërmenji”, në fillim të rrugës;
-Rruga “Ismail Qemali”, te kryqëzimi i RTSH-së;
-Rruga “Lekë Dukagjini”, pranë ish-Gardës së Republikës, korridor hyrës për në parkimin e caktuar vetëm për mjetet e autorizuara nga FSHF-ja;
-Rruga “Abdyl Frashëri”, pranë kryqëzimit të Librit Universitar;
-Te sheshi “Willson”, ku lëvizja do të devijohet në drejtim të rrugës “Sami Frashëri”, pak para përfundimit të ndeshjes.
Rruga e Elbasanit, Unaza dhe bulevardi “Bajram Curri” do të jenë të lira për qarkullimin e mjeteve.
