Një tjetër protestë qytetare është thirrur këtë të hënë, më 27 korrik, përpara Parlamentit, me thi...
AKTUALITET
Ndodh sërish në Sheshin "Skënderbej”/ Me makinë pa targa, lezhjani hyn me shpejtësi duke u rrezikuar jetën qytetarëve!
PiranjatPërditësimi i fundit 8 Maj 2026, 13:17
Një tragjedi është shmangur së fundmi në Sheshin "Skënderbej” të Tiranës ku një makinë pa targa, e cila drejtohej nga qytetari lezhjan, Viktor Ndoka ka hyrë me shpejtësi në mes të sheshit duke u rrezikuar jetën njerëzve dhe një grupi turistësh që ishin në atë moment në vendngjarje.
Sipas gazetarit Elton Qyno, raportohet se Viktor Ndoka i cili udhëtonte me një automjet tip “Toyota Versus” pa targa, ka çarë me shpejtësi kangjellat e hekurit të vendosura në hyrje të sheshit “Skënderbej”, e ka kryer manovra të rrezikshme duke u rrezikuar jetën qytetarëve, pasditen e 5 majt.
Ndërsa mësohet se lezhjani ishte kthyer së fundmi nga Anglia, ku jetoi për 10 vite radhazi.
Po ashtu, thuhet se Ndoka ka qenë duke udhëtuar me shpejtësi që në bulevardin “Zogu i I” e me të njëjtën shpejtësi është drejtuar për në sheshin “Skënderbej” nga ku është përplasur me gurët e vendosur pranë Muzeut Kombëtar.
Menjëherë sapo kanë vënë re lëvizjen e Ndokës që shkaktoi panik te qytetarët, dy efektivë të Policisë Bashkiake që ndodheshin pranë vendngjarjes kanë ndërhyrë duke bërë të mundur neutralizimin e mjetit.
Elton Qyno bën me dije se dy efektivët kanë qenë Arkid Rizvani dhe Rigers Kasa, të cilët vrapuan për të ndërhyrë dhe neutralizuar autorin.
Pasi makina e Ndokës u përplas me gurët, njëri nga punonjësit e policisë Bashkiake Rigers Kasa, ka mundur t’i marrë çelësin e makinës nga timoni dhe më pas ka ngritur frenat e dorës duke ndaluar kështu makinën.
Në momentin e ndalimit, lezhjani ka filluar të bërtasë me zë të lartë që ta linin të qetë duke u shprehur se ishte drejtuar për të shkuar në Ambasadën Amerikanë, me qëllim për të denoncuar kryebashkiakun e Lezhës.
Në lidhje me këtë ngjarje, Prokuroria e Tiranës regjistroi procedimin penale me Nr.6342 për akuzën e “Prishjes së rendit dhe qetësisë publike” dhe “Kundërshtim i punonjësit që kryen detyrën shtetërore”.
Për qytetarin që rrezikoi jetët e dhjetëra personave, Viktor Ndokën, prokuroria kërkoi caktimin e masës së sigurisë “arrest në burg” me afat 2 mujor.
Ndërsa Gjykata e Tiranës vendosi ndaj Ndokës masën e Arrestit në burg 45 ditor.
Kujtojmë se kjo është hera e dytë që një makinë, pasi mesditën e 25 prillit të 2021, Arben Mema 32 vjeç, terrorizoi kryeqytetin duke u futur me makinë në mes të Sheshit Skëndërbej.
Për këtë ngjarje Gjykata e Tiranës caktoi masën "arrest me burg" për Arben Memën.
