Neritan Nallbati largohet nga Departamenti i Policisë Kriminale! Emërohet te Akademia e Sigurisë

Neritan Nallbati është larguar nga Departamenti i Policisë Kriminale. Largimi i tij është bërë për shkak se i ka mbaruar mandati si kreu i këtij departamenti. Ai është emëruar në Akademinë e Sigurisë.

Ndryshime ka pasur dhe në Departamentin e Marrëdhënieve Ndërkombëtare. Kreu i këtij departamenti, Pëllumb Seferi, gjithashtu është transferuar në Akademinë e Policisë.

Në vend të Seferit është komanduar Artan Bajraktari, kurse në vend të Nallbatit është komanduar Arjan Muça.

Nallbati është konsideruar si njeriu më pranë kokave të Call Centerave ilegalë në vend. Gjatë drejtimit të Departamentit të Policisë Kriminale, ai do të mbahet mend si një individ që dekonspiroi operacionin e emisionit Le Iene në zbulimin e Call centerave ilegalë.