“Nesër më shumë”/ Mbyllet protesta e 49-të, qytetarët kërkojnë dorëheqjen e kryeminstrit Rama: Pa rini nuk ka Shqipëri

Qytetarët kanë mbyllur protestën e 49-të, përmes së cilës kanë kërkuar dorëheqjen e kryeministrit Edi Rama. Të shumtë ishin qytetarët që folën në protestën e ditës së sotme, ku artikuluan kërkesat e tyre dhe shprehën pakënaqësitë me qeverisjen gjatë këtyre viteve.  

Me pankarta në duar dhe flamuj kuqezi, protestuesit kanë bërë thirrje për ndryshim. Protesta ka bërë bashkë fëmijë, të moshuar, studentë, profesionistë, aktivistë dhe turistë. “Edi Rama, o tradhtar, me Shqipërinë mos bëj Pazar”, “Rama, jep dorëheqjen”, “Pa rini nuk ka Shqipëri”, “Poshtë patronazhistët”, “Shqipëria e shqiptarëve, vdekje tradhtarëve”, “Shqipëria kërkon revolucion”, “O Erion, o legen, prite Ramën se po vjen” dhe "Ju erdhi fundi", këto kanë qenë disa nga thirrjet e tyre.