Pak javë më parë ju treguam skemën që ka nisur të aplikohet në masë nga ekzekutivi për të anashkaluar transpar...
AKTUALITET
Nga Durrësi në Shkodër, arrestohet hajduti “profesionist”. Kush është 56-vjeçari
PiranjatPërditësimi i fundit 23 August 2026, 10:48
Një 56-vjeçar u arrestua nga Policia e Shkodrës pasi akuzohet për vjedhje të shumta në zona të ndryshme të qytetit.
Operacioni i koduar “Shëtitësi” përfundoi me arrestimin e shtetasit, Fatos Arifi, banues në Durrës. Ai u kap teksa tentoi të vidhte një tjetër biçikletë në lagjen “Liria” në Shkodër.
Nga veprimet hetimore dhe operacionale dyshohet se 56-vjeçari ka vjedhur një shumë parash në një automjet taksi dhe dy biçikleta, në zona të ndryshme të qytetit.
Pas punës gjurmuese dhe mbledhjes së informacioneve, policia arriti të identifikonte autorin e dyshuar dhe ta kapte në flagrancë gjatë tentativës për të kryer një tjetër vjedhje.
Njoftimi:
Finalizohet operacioni policor i koduar “Shëtitësi”, për parandalimin e vjedhjeve dhe zbardhjen e atyre të ndodhura më parë.
Vidhte lekë në automjete, kryesisht taksi, dhe biçikleta në zona të ndryshme të qytetit. Pas denoncimeve të qytetarëve dhe punës gjurmuese, kapet në flagrancë në tentativë për të vjedhur një tjetër biçikletë, 56-vjeçari nga Durrësi.
Shërbimet e Komisariatit të Policisë Shkodër, pas denoncimeve të marra nga qytetarët për vjedhje, organizuan punën hetimore për identifikimin dhe kapjen e autorit.
Si rezultat i veprimeve hetimore dhe operacionale, në kuadër të operacionit policor të koduar “Shëtitësi”, u kap në flagrancë, në tentativë për të kryer një tjetër vjedhje, shtetasi:
- F. A., 56 vjeç, banues në Durrës.
Nga veprimet hetimore dyshohet se 56-vjeçari ka vjedhur një shumë parash në një automjet taksi dhe 2 biçikleta, në zona të ndryshme të qytetit të Shkodrës.
56-vjeçari u kap në flagrancë, në lagjen “Liria”, teksa tentonte të vidhte një tjetër biçikletë.
Materialet procedurale iu referuan Prokurorisë së Shkodrës, për veprime të mëtejshme.
