Nis gara për postin e Prokurorit të Përgjithshëm, KLP verifikon 4 kandidaturat

Pas mbylljes së afatit për aplikime, ka nisur procesi i verifikimit të kandidaturave për postin e Prokurorit të Përgjithshëm, i cili do të drejtojë organin e akuzës për shtatë vitet e ardhshme.

Këshilli i Lartë i Prokurorisë ka në dispozicion 45 ditë për të shqyrtuar dokumentacionin dhe për të verifikuar nëse kandidatët plotësojnë kriteret ligjore për të vijuar garën.

Afati për dorëzimin e aplikimeve përfundoi më 1 gusht në mesnatë. Deri në këtë datë, katër prokurorë kanë depozituar zyrtarisht interesin e tyre për këtë pozicion.

Adnan Xholi, prokuror në SPAK;

Rovena Zoto, prokurore në Prokurorinë e Tiranës;

Ndërkohë, pritet të konfirmohet nëse kandidatë të tjerë kanë dërguar dokumentacionin në ditët e fundit përmes postës.

Pas fazës së parë, KLP dhe komisioni përgjegjës do të nisë verifikimet pranë institucioneve përkatëse, përfshirë kontrollin e pasurisë, administratën tatimore e doganore, Byronë Kombëtare të Hetimit, institucionet informative, si dhe organet disiplinore.

Vetëm kandidatët që do të kalojnë procesin e verifikimit do të vijojnë më tej me seancat dëgjimore.

Gara për postin e Prokurorit të Përgjithshëm u hap pasi në muajin dhjetor përfundon mandati i kreut aktual të Prokurorisë së Përgjithshme, Olsian Çela.