Një shtetas polak, i bllokuar prej 24 orësh në malin e Çikës

Një tjetër shtetas i huaj ka mbetur i bllokuar prej rreth 24 orësh në malin e Çikës, në Vlorë.

Shtetasi polak, i cili prej ditës së djeshme kishte nisur eksplorimin e zonës malore, ka mbetur i bllokuar për shkak të terrenit të vështirë.

Ndërkohë, për shkak të terrenit të vështirë dhe pamundësisë për ta nxjerrë nga zona në rrugë tokësore, është kërkuar edhe ndërhyrja ajrore për transportimin e tij në një zonë të sigurt.

Mali i Çikës, me lartësi 2,044 metra, është një nga zonat më të vështira malore të jugut dhe pjesë e Parkut Kombëtar të Llogorasë.