Abdul Ballout, 21 vjeçari i cili dyshohet se kreu sulmin terrorist në Berlin, është vrarë këtë të diel, 26 korrik, g...
SOCIALE
“Po vdesim për bukë”, apeli i nënës me tre fëmijë: Më ndihmoni të gjej punë
Nga Xhuljan FerzajPërditësimi i fundit 24 Shkurt 2026, 12:09
Një nënë e re me tre fëmijë në Divjakë, po përballet me vështirësi të mëdha ekonomike. 30 vjeçarja, Vjola Llapi është divorcuar dhe jeton me qira në një lagje të qytetit.
Ajo apelon për ndihmë ekonomike, pasi të ardhurat mujore që merr janë të pamjaftueshme për të përballuar blerjen e ushqimeve dhe qiranë.
“Herë punoj e herë jo, kam tre fëmijë të moshës 10, 8 dhe 6 vjeç. E zonja e shtëpisë ka rritur qiranë e ka çuar 15 mijë lekë dhe nuk kam mundësi ta paguaj, do të më nxjerri jashtë. Iki tek Bashkia Divjakë për të kërkuar punë dhe më sugjerojnë të punoj në tokat e Divjakës, por nuk ka punë çdo ditë.
Jam në hall të madh, tre fëmijët i kam pa bukë, po qajnë. Unë kam mbetur në mes të katër rrugëve, edhe një javë afat kam nga e zonja e shtëpisë.
Bashkia më jep asistencë sociale 15 mijë lekë dhe me ato nuk laj dot as qiranë, më duhet punë. Ju lutem bëni diçka për të më ndihmuar”, tha Vjola për Piranjat News.
30 vjeçarja tregoi se është e sëmurë, dhe nuk ka lekë të blejë ilaçet e nevojshme. Ajo i bënë thirrje çdo qytetari, biznesi apo institucioni ta ndihmojnë me punësim dhe të ardhura për të përballuar shpenzimet mujore./Piranjat News
