“Nuk dal, do dogjem bashkë me shtëpinë” –Zjarrfikësi rrëfen sekondat dramatike nga shpëtimi i të moshuarës te kompleksi"Arlis"

Zjarrëfikësi Jonus Murataj ka rrëfyer detajet e një prej ndërhyrjeve më dramatike të karrierës së tij, shpëtimin e një gruaje të moshuar nga banesa e saj e përfshirë nga flakët në katin e pestë.

Mes tensionit dhe rrezikut, momenti më i vështirë ishte përballja me refuzimin e saj për t’u larguar, duke thënë se "më lër të digjem me shtëpinë".

Duke përshkruar operacionin, zjarrfikësi shpjegoi se ndërhyrja kërkonte një personel të specializuar për operimin e autoshkallës në lartësi. Pasi arriti në ballkonin e katit të pestë, ai u përball me një tjetër rrezik: vetrata e xhamit ishte gati duke u shkërmoqur nga temperaturat e larta.

"Autoshkalla zjarrfikëse ka personel specializuar, nga lartësitë. Jo çdokush mund të zbresë në autoshkallë. Pra, dhe në momentin që mbrita në në ballkonin e katit të pestë, e zonjës pashë që ballkoni kishte me një vetratë xhami.

Po të shikoni edhe pamjen, dhe xhami nga temperaturat edhe pëllcet. Autoshkallën e vendosëm. Kalova brenda për nga atë, e gjeta zonjën në mënyrë shoku. Dhe i thashë, hajde se do dalim.

"Nuk dal,"- tha, "do digjem bashkë me shtëpinë."

Kjo, siç e thashë dhe kryeherës, kjo adrenalinë e shërbimit, jemi njerëzorë mbi të gjitha. Ishte mundi i saj. Nuk dija kush ishte personi. Unë kisha përballë njeri që fatmirësisht ishte e gjallë. Në atë moment e kam përqafuar zonjën.

I thashë që, shtëpinë do ta shpëtojmë nga flakët. Shtëpia do rikuperohet, pra, edhe po të digjet do ta rikuperojmë, por jetën tënde ne nuk e kthejmë dot më.

Dhe ti do marrësh helmetën time në kokë, mos bie ndonjë diçka nga koka. E kam marrë për qafe.

Aty mora vesh që zonja kishte dhe probleme shëndetësore. Aty për një moment, zjarrfikësit i vijnë shumë gjëra në kokë.

Prandaj pak më parë thashë, nuk ka protokoll të caktuar", u shpreh Murataj.