16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
AKTUALITET
Nuk iu bindën policisë dhe shtypën gazin, dy shqiptarët përfundojnë në pranga në Itali
PiranjatPërditësimi i fundit 14 August 2026, 17:26
Një ndjekje policore në rrugët mes San Mauro Pascoli dhe Bellaria Igea Marina në Itali ka përfunduar me arrestimin e dy të rinjve shqiptarë.Shoferi i një Peugeot 208 nuk iu bind urdhrit të policisë për të ndaluar dhe gjatë arratisjes krijoi situata rreziku për këmbësorët dhe drejtuesit e tjerë të automjeteve. Ngjarja nisi pasi policia lokalizoi një Peugeot të zi, për të cilin kishte dyshime se mund të përdorej për shpërndarjen e drogës.
Efektivët tentuan të kontrollonin automjetin dhe personat që ndodheshin brenda, por drejtuesi shtypi gazin dhe u largua në drejtim të San Mauro Mare.
Pak më tej, një tjetër patrullë i dha sinjal për të ndaluar. Edhe këtë herë shoferi nuk iu bind urdhrit dhe vijoi arratisjen në drejtim të Bellarias.
Arratisja mes këmbësorëve
Ndjekja u zhvillua në rrugë ku kishte edhe qytetarë dhe familje që po shkonin drejt plazhit. Sipas policisë, mënyra e drejtimit të automjetit krijoi rrezik për personat që ndodheshin në rrugë.
Disa këmbësorë u detyruan të largoheshin drejt anës së rrugës pasi dëgjuan sirenat dhe panë makinën që po lëvizte me shpejtësi. Në një moment, një grua shtatzënë që ndodhej në vijat e bardha arriti të shmangte përplasjen duke u larguar me shpejtësi nga trajektorja e automjetit.
Për shkak të rrezikut që po krijonte ndjekja, policët vendosën të ngadalësonin ndërhyrjen direkte. Më pas, me koordinimin e disa patrullave të Policisë së Shtetit në Cesenatico, Peugeot-i u ndalua dhe dy të rinjtë u arrestuan.
Gjatë kontrollit, policia gjeti dy shkopinj me maja të mprehta. Për këtë arsye, ndaj dy shqiptarëve u ngritën akuza për shkelje të legjislacionit italian mbi armët, pasi mbajtja e tyre jashtë banesës pa një arsye të justifikuar është e ndaluar.
Shoferi, 25 vjeç, mbeti edhe pa patentë dhe pa lejen e qarkullimit. Nga verifikimet rezultoi gjithashtu se ai ndodhej në Itali në mënyrë të parregullt, pasi i ishte refuzuar rinovimi i lejes së qëndrimit.
Hetimet vijojnë për të sqaruar edhe dyshimet fillestare të policisë lidhur me përdorimin e automjetit për shpërndarje droge.
