Teksa largohej nga mbledhja e ditës së parë me ministrat në Pogradec, kryeministri Edi Rama u afrua i ngrysur tek Mercedesi Benz S-Class, ...
AKTUALITET
“Nuk jemi lodhur”, qytetarët mesazh Ramës: Nuk largohemi nga sheshi deri në plotësimin e kërkesave
PiranjatPërditësimi i fundit 24 Gusht 2026, 20:21
Pas 86 ditësh protestë, qytetarët kanë përsëritur kërkesat e tyre, duke bërë të qartë se nuk kanë ndërmend të tërhiqen dhe se do të vijojnë protestën deri në realizimin e tyre.
“86 ditë kanë kaluar, por kërkesat tona nuk kanë ndryshuar. Nuk jemi këtu për interesa personale, por besojmë se shqiptarët duhet të dëgjohen. Kërkesat tona janë të qarta dhe të panegociueshme”, u shprehën protestuesit.
Qytetarët kanë renditur gjashtë kërkesa: dorëheqjen e Edi Ramës dhe qeverisë; krijimin e një qeverie teknike, jo partiake, për 12 muaj; ndryshime kushtetuese, me synimin që të gjithë qytetarët të jenë të barabartë para ligjit; shfuqizimin e Paketës së Maleve; shfuqizimin e ligjit për Investitorët Strategjikë; si dhe hartimin e një kontrate sociale pas konsultimeve publike.
Protestuesit paralajmëruan se qëndrimi i tyre do të vazhdojë nëse qeveria nuk reagon ndaj këtyre kërkesave.
“Nëse qeveria zgjedh të mos reflektojë, ne do të vijojmë të protestojmë. Mbetemi të vendosur në protestë deri në realizimin e kërkesave. Nuk jemi lodhur, por jemi bindur se do të qëndrojmë edhe më shumë”, thanë ata.
Qytetarët këmbëngulin se kërkesat mbeten të pandryshuara edhe pas 86 ditësh protestë, ndërsa vijimin e tubimeve e lidhin me plotësimin e tyre.
