Tenderi 50 milionë euro për mirëmbajtjen e akseve rrugore kombëtare është është shndërruar në një skandal...
AKTUALITET
“Onkologjiku është një Aushvic”/ Fjalimi rrëqethës i protestuesit që vuan nga kanceri: Kjo godinë e ndyrë duhet shembur
PiranjatPërditësimi i fundit 6 Qershor 2026, 19:27
Një dëshmi rrëqethëse dhe tejet e fuqishme ka përlotur dhe elektrizuar mijëra protestuesit e mbledhur përpara Kryeministrisë. Një qytetar që vuan prej tre vitesh nga sëmundja e rëndë e kancerit ka marrë fjalën në podium, duke bërë një denoncim tronditës për gjendjen në spitalin Onkologjik, të cilin e krahasoi me kampet e vdekjes.
Me tone të ashpra dhe i rrethuar nga duartrokitjet e turmës, ai bëri thirrje që institucioni i qeverisë të mbajë përgjegjësi për atë që po ndodh me shëndetësinë dhe jetët e qytetarëve shqiptarë.
“Jam një qytetar që vuaj prej 3 vitesh nga kanceri. Do e mund këtë sëmundje! Jo më larg se 3 km nga këtu është një krematorium ku kanë vdekur 20 mijë veta. A është një Aushvic? Është turpi i kësaj godine, i këtij vendi, i 35 viteve! Onkologjiku është vendi ku vdesin e varrosen njerëz përditë. Ky është mesazhi im o njerëz”, deklaroi ai i përlotur.
Në pjesën e dytë të fjalës së tij, qytetari iu drejtua të pranishmëve duke kërkuar që kauza dhe qëndresa të mos ndalen përpara asnjë presioni, duke e cilësuar godinën e Kryeministrisë si burimin e të gjitha të këqijave në vend.
“Mesazhi i dytë o bij nënash, qofshi jetëgjatë në këtë kauzë. Zoti e do që të mblidhemi çdo ditë më shumë, sepse këtu ka vetëm hajdutëri, vjedhje e poshtërsi. Fajtore për këto është kjo godinë e ndyrë, duhet shembur o njerëz kjo godinë! Edhe dheu poshtë saj duhet të largohet”, përfundoi ai mes thirrjeve të fuqishme të turmës për largimin e qeverisë.
