16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
AKTUALITET
Operacioni antidrogë në Sarandë, burg për 15 të arrestuarit, 5 lirohen. Si i futi në kurth agjenti i infiltruar
PiranjatPërditësimi i fundit 8 September 2026, 19:11
Pas një seance maratonë, Gjykata e Sarandës ka vlerësuar masat e sigurisë për 20 personat e arrestuar në kuadër të operacionit antidrogë të koduar “Vjeshta”.
Prokurorja Esmeranda Basho ka kërkuar caktimin e masës së sigurisë “Arrest në burg” për të 20 të arrestuarit, ndërsa gjyqtari Mexhit Doci ka lënë në fuqi këtë masë për 15 prej tyre.
Në burg janë lënë Arlind Osmani, Feliks Filja, Altin Arapi, Erjon Dido, Medi Myftaraj, Redian Arizi, Dhimitri Terolli, Fabjo Berhamaj, Klerjan Popshini, Devis Saliaj, Xhuliano Mejdi, Vasil Kaci, Shefqet Bezhani, Nazif Refitaj dhe Korado Omeri.
Ndërkohë, për pesë të arrestuarit e tjerë, gjykata ka caktuar masën e sigurisë “Arrest në shtëpi”. Bëhet fjalë për Andrea Babin, Bledar Kovacin, Elvis Demcajn, Nikolin Rakipin dhe Flatun Lalajn.
Agjent i infiltruar në hetim
Sipas burimeve nga seanca gjyqësore, ndaj të gjithë të arrestuarve janë kryer veprime simuluese nga një agjent i infiltruar, i cili dyshohet se ka arritur të blejë lëndë narkotike. Burimet bëjnë me dije se këto veprime janë dokumentuar edhe përmes fotografive, të cilat janë administruar si pjesë e hetimit.
Hetimet për operacionin “Vjeshta” vijojnë, ndërsa autoritetet po punojnë për dokumentimin e plotë të aktivitetit të dyshuar kriminal dhe rolit të secilit prej personave të arrestuar.
