Microsoft po ofron një plan të ri për largim vullnetar nga puna për rreth 60,000 punonjës në Shtetet e Bashkuara, Kanada, Indi dh...
AKTUALITET
Operacioni i AMP-së në Sarandë, Lamallari paralajmëron: Zero tolerancë ndaj policëve që bëhen palë me shkelësit e ligjit
PiranjatPërditësimi i fundit 16 May 2026, 10:28
Ministri i Brendshëm, Besfort Lamallari, ka reaguar pas operacionit të zhvilluar në Sarandë nga Agjencia e Mbikëqyrjes Policore dhe Policia e Shtetit, ku u arrestuan disa drejtues dhe punonjës policie të Komisariatit të Sarandës.
Përmes një deklarate publike, Lamallari theksoi se në radhët e Policisë së Shtetit nuk do të ketë vend për efektivë që abuzojnë me detyrën apo bashkëpunojnë me elementë kriminalë.
"Në Policinë e Shtetit nuk ka dhe nuk do të ketë vend për askënd që bëhet palë me shkelësit e ligjit, që abuzon me detyrën apo bashkëpunon me elementë kriminalë.
E përshëndes me respekt operacionin në Sarandë, ku Agjencia e Mbikëqyrjes Policore dhe vetë Policia e Shtetit, bashkëvepruan për të arrestuar drejtues e punonjës policie të bërë njësh me shkelësit e ligjit.
Kjo provë vullneti për të pastruar radhët e Policisë së Shtetit nga çdo element që cënon ligjin dhe besimin e publikut, nuk është e para dhe nuk do të jetë as e fundit.
Në çdo rast abuzimi, që nga symbyllja përpara ndërtimeve pa leje deri tek kompromisi me elementët kriminalë, reagimi do të jete me zero tolerancë. Efektivët që tradhtojnë popullin dhe abuzojnë me detyrën, do të identifikohen, goditen dhe përballen me drejtësinë.
Përgëzime dhe kurajo lidershipit të ri të Agjencisë së Mbikqyrjes Policore dhe Policisë së Shtetit. Asnjë hap mbrapa!", u shpreh Lamallari
