Pamjet me dron/ Zjari shkrumbon 10 ha ullishte e pyll me shkurre në Drenovë të Mallakastrës

Zjarri që përfshiu fshatin Drenovë të Mallakastrës është vënë nën kontroll pas ndërhyrjes së forcave zjarrfikëse.

​Pas një operacioni intensiv disaorësh me 6 mjete zjarrfikëse dhe mbi 50 efektivë nga disa bashki të ndihmuar edhe nga banorë të zonës, flakët në Drenovë të  Mallakastrës u neutralizuan duke shmangur rrezikun për banesat dhe varrezat e zonës.

Flakët u favorizuan dhe nga era dhe u përhapën me shpejtësi dhe iu afruan varrezave dhe banesave por ndërhyrja shmangu përhapjen drejt zonës së banuar.

Sipas përllogaritjeve paraprake të dëmeve, nga zjarri u përshkuan rreth  10 hektarë sipërfaqe me ullinj dhe pyll me shkurre, ndërsa forcat zjarrfikëse vijojnë të monitorojnë terrenin për të parandaluar riaktivizimin e vatrave.