Parcelën e kishin mbjellë me kanabis, arrestohen babë e bir në Shkodër

Një rast i kultivimit të bimëve narkotike është evidentuar nga policia në Shkodër.

Gjatë kontrolleve, shërbimet e Komisariatit të Policisë Shkodër ndërhynë në fshatin Mali i Gjymtit, ku zbuluan një parcelë me fidanë të dyshuar kanabisi të sapombjellë, në zonën e njohur si “Këneta”, në njësinë administrative Dajç.

Ata dyshohen se ishin përfshirë në kultivimin e një numri të konsiderueshëm fidanësh narkotikë.

Arrestohen 2 shtetas (babë e bir). Sekuestrohet një numër i konsiderueshëm fidanësh të dyshuar narkotikë kanabis, të sapombjellë në tokë, në vendin e quajtur “Këneta”.

Në zbatim të masave të ndërmarra në kuadër të planit operacional “Faza e parë”, për parandalimin dhe goditjen që në fazë fillestare të tentativave për kultivimin e bimëve narkotike, shërbimet e Komisariatit të Policisë Shkodër, kanë goditur një rast të kësaj veprimtarie kriminale, në fshatin Mali i Gjymtit.