Kim Kardashian ka rrëfyer se kishte dyshime përpara martesës me ish-basketbollistin e NBA-së, Kris Humphries, por vendosi të vaz...
AKTUALITET
Dosja 'Partizani'/ Ish-presidenti i Klubit në sallën e gjyqit si dëshmitar: Destinacionin e ndryshoi Rama
PiranjatPërditësimi i fundit 11 May 2026, 17:51
Ish presidenti i klubit Partizani, Albert Xhani ka dëshmuar sot në seancën e radhës gjyqësore që u mbajt në Gjykatën e Posaçme kundër Korrupsionit dhe Krimit të Organizuar (GJKKO) për dosjen “Partizani”, me të pandehur ish kryeministrin Sali Berisha, dhëndrin e tij Jamarbër Malltezi dhe disa të tjerë.
Ish-Presidenti i “Partizanit” bëri një deklaratë të fortë në gjykatës, me akuza të drejtëpërdrejta ndaj kryeministrit Edi Rama që në atë kohë ishte kryetar i Bashkisë së Tiranës, si personi i cili ndryshoi destinacionin e terreneve sportive të Partizanit. Madje kjo shkaktoi dhe në prishjen e marrëdhënieve të tij me Ramën.
Gjithashtu ai shtoi se fillimisht pronën e dinte pa pronar dhe vetëm kohë më vonë mësoi se toka kishte 200 ose 300 të tillë, dhe se pronarët e klubit nuk e kishin marrë dëmshpërblimin.
Pjese nga deshmia: Kam menduar që aty nuk kishte pronar por me kalimin e kohës kuptuam që kishte 200-300 pronarë. 15 a 20 veta nuk ishin shpronësuar. Në këtë momente më thotë avokati im, nëse do vazhdojë kështu kjo tokë që do jete për qëllime sportive ti mund të përfitosh nga një kontratë në përdorim.
Tokat që janë për qëllime publike qëndrojnë të tilla më tha dhe lind e drejta e parablerjes për ish pronarët. Nuk isha dhe mire sepse më vdiq djali, i ra statuja duke luajtur me fanelën e Partizanit.
Në vitin 2003 kishim nje kontraditë më sinoptikën. Unë doja ta ndaja tokën për qëllime sportive, atë ide kisha në kokë. Nëse do ndryshonte destinacioni, mbaroi filmi do kishte ikur.
Më sollën letrën që ishte ndryshuar destinacioni. I rash telefonit të kryetarit të Bashkisë, nuk ma ngriti. Që atë ditë, marrëdhëniet e mia me të janë vetëm përshëndetje nga larg.
Shkaktari që ne ngelëm pa terrene sportive ishte kryetari i Bashkisë Edi Rama. Ministria e Mbrojtjes donte të ruante stemën dhe kontributin e emrit të Partizanit. Unë nuk kam marrë asnjë lek , asnjë mbështetje nga ministria.
Në 2004-2005 jam vënë në dijeni që toka ka patur pronarë. Shkuam dhe pyetëm në fillim sepse menduam se nuk kishte asnjë pronar aty. Që aty, menduam se s kishim çfarë bënim më tutje. Investime në ato ambiente kam bërë, por nuk i mbaj mend. Rinovuam ambientet, godina ishte ekzistuese. Fushat kanë vajtur 200-300 mijë, nuk e mbaj mend mirë. Kur jam larguar nuk kam marrë asnjë send me vete.
Seanca e radhës u la në datë 20 ora 15:00 dhe sipas gjykatës meqë është kohë e shkurtër do njoftohen vetëm dy dëshmitarë Ylli Pango dhe Violeta Shqevi.
