Një tjetër tentativë e negociatorëve për të bindur 35-vjeçarin të dorëzohet është zhvilluar pak minut...
AKTUALITET
Pasi përpinë miliardat e energjisë, Agron Shapllo dhe Serafin Orgocka helmuan Elbasanin dhe policia nuk i gjen dot
PiranjatPërditësimi i fundit 17 Dhjetor 2025, 16:58
Një operacion i gjerë i policisë i zhvilluar tre ditë më parë zbuloi një skemë të rëndë ndotjeje në Elbasan, ku dy kompani të licencuara për përpunimin e metaleve joferroze dhe plastikës rezultojnë se i digjnin mbetjet në mënyrë të paligjshme. Në vend të furnaltave dhe filtrave të posaçëm, hetuesit gjetën vatra zjarri dhe shtëllunga tymi helmues.
Policia arrestoi në flagrancë 16 persona dhe shpalli në kërkim aksionerët e kompanive CCALV shpk dhe GSA Ferrokrom. Kjo e fundit zotërohet nga Agron Shapllo dhe Serafin Orgocka.
Ndonëse një ditë më parë Gjykata e Elbasanit liroi nga paraburgimi 16 personat e arrestuar duke e vlerësuar si të paligjshëm arrestimin e tyre, 8 personat e shpallur në kërkim mbetën me të njëjtën status. Kështu Bujar Zogu, Dritan Konica, Faejzo Mecaj, Ilir Londo, Gjergj Bezati, Agron Shapllo dhe Serafin Orgocka vazhdojnë të jenë në kërkim nga autoritet. Ata janë në akuzë për 4 vepra penale, nga ndotja e ajrit, ujërave dhe e tokës, te fshehja e të ardhurave, punësimi i paligjshëm dhe pastrimi i parave, kryer në bashkëpunim.
Operacioni
Operacioni u zhvillua më 14 dhjetor, kur Policia e Elbasanit ndërhyri brenda brenda ambienteve të kompanive “çALB” Shpk dhe “GSA Ferrokrom” Shpk, të cilët e ushtronin aktivitetin te Metalurgjiku.
Djegiet e mbetjeve të ferrokromit kryheshin natën, në qiell të hapur, dhe brenda ambienteve të oborrit dhe kompanisë prej të paktën 2 vitesh, duke shkaktuar një katastrofë mjedisore jo vetëm pranë ish-Metalurgjikut ku ushtrohej aktiviteti, por me kilometra të tëra rreze. Policia thotë se kanë shkelur ligjet mjedisore dhe ndotur ajrin, ujërat dhe tokën, nuk kanë respektuar rregullat për menaxhimin e integruar të mbetjeve dhe përpunimin e mbetjeve të baterive. Në kushte normale, djegia e materialeve të tilla duhet të bëhet sipas standardeve për të mos krijuar ndotje, të cilat “CCALV” Shpk dhe “GSA Ferrokrom” Shpk nuk i plotësonin, pasi brenda ambienteve të punës nuk janë gjetur pajisje që shërbejnë për filtrim.
Për shkak të shkeljeve masive të konstatuara, policia vendosi 2 gjoba me vlerë totale 13 milionë lekë, përkatësisht 3 milionë për njërin dhe 10 të tjera për kompaninë tjetër. Me vendim të autoriteteve u pezullua aktiviteti i tyre deri në përmbushjen e kërkesave ligjore.
GSA është një kompanitë më të mëdha në tregtimin e energjisë dhe materialeve elektrike. Ajo ka qenë ndër kontraktorët më të mëdhenj të KESH dhe OSHEE duke përfituar qindra milionë euro tendera./kapitali
Autoritetet spanjolle u kanë kthyer përgjigje zyrtare institucioneve shqiptare, duke konfirmuar se Gilmando Dani dhe Mustafa Shaljani, i njihur si "...
