'Dua të falenderoj zotin Balla për sensin e humorit në fillim të këtij këshilli. Për faktin se përmendi se në Shq...
AKTUALITET
Përkeqësohet situata në Shushicë të Vlorës/ Era favorizon flakët, rrezikohen banesa
PiranjatPërditësimi i fundit 21 Shtator 2026, 15:49
Situata vazhdon të jetë problematike në Njësinë Administrative Shushicë, pasi për shkak edhe të erës së fortë flakët po përhapen me shpejtësi pranë fshatrave Bunavi dhe Grabian. Flakët rrezikojnë banesat dhe gjënë e gjallë. Shefi i repartit të ndërhyrjes kundër zjarrit në zjarrfikësen e Vlorës, Luan Kapaj thotë se rreziku në zonë vijon të jetë ende.
Sipas tij është përjashtuar rreziku për djegien e banesave por vijojnë të digjen rrënjë të shumta me ullinjtë dhe pemëtari të zonës.
“Në këtë territor këtu të këtij fshati është shumë problematike sepse, siç e shikoni vetë, bimësia e dendur e bari i thatë, era janë faktorë që ndikon masivisht në përhapjen e zjarrit. Këtu janë disa banesa që rrezikohen nga zjarri.
Por me ndërhyrjen e shërbimit zjarrfikës, ne bëjmë të mundur që të mbrojmë këto banesa. Kurse pjesa tjetër e blegtorisë, ullinjve e të tjerë, u përshkua e gjitha nga flakët e zjarrit, i cili ka shkaktuar goxha dëme.
Rreziku për momentin është evident, por që ne do mundohemi që mos të na digjen banesat për momentin. Sepse ka banorë, ka blegtori, ka çdo gjë… Siç e shikoni vetë, era është shumë e fortë dhe po bën të mundur përhapjen e zjarrit në të gjitha drejtimet”, tha ai.
