Përleshja në burgun e Fierit/ Komisioni i Disiplinës vendos sot! Kërkohet largimi nga detyra i 6 efektivëve dhe pezullimi i 2 të tjerëve

Drejtori i Përgjithshëm i Burgjeve, Adriatik Kupi, ka thirrur Komisionin e Disiplinës për të shqyrtuar incidentin e rëndë të ndodhur në burgun e Fierit.

Në mbledhje pritet të shqyrtohen masat e propozuara nga institucioni i vuajtjes së dënimit, i cili ka kërkuar largimin nga detyra të 6 efektivëve dhe pezullimin për 2 të tjerë, ndërsa për të burgosurit e përfshirë në konflikt është propozuar një masë shtesë disiplinore prej tre muajsh.

Paralelisht, Prokuroria e Fierit ka nisur hetimet për të zbardhur rrethanat dhe për të përcaktuar nëse përplasja ishte e çastit apo e porositur.

Në kuadër të këtyre hetimeve është marrë në pyetje edhe Denis Bajri, i cili ka dëshmuar se është thirrur dhe më pas është sulmuar me mjete prerëse të improvizuara nga Gjini dhe Zoto.