Përplasen dy automjete, plagosen katër persona

Një aksident automobilistik është regjistruar mëngjesin e sotëm në aksin rrugor Levan-Tepelenë, pranë fshatit Romës, në territorin e bashkisë Mallakastër.

Sipas të dhënave paraprake, në aksident janë përfshirë dy automjete tip “Benz”, të cilat janë përplasur me njëra-tjetrën. Si pasojë e përplasjes, katër persona kanë mbetur të plagosur.

Menjëherë pas aksidentit, në vendngjarje ka mbërritur ambulanca, e cila ka transportuar të plagosurit drejt Urgjencës së Spitalit Rajonal të Fierit, ku po marrin ndihmën e nevojshme mjekësore. Sipas informacioneve paraprake, të plagosurit janë jashtë rrezikut për jetën.

Në vendngjarje kanë shkuar edhe shërbimet e Policisë së Qarkullimit Rrugor, të cilat kanë ndërhyrë për menaxhimin e situatës dhe qarkullimit të automjeteve.

Ndërkohë, grupi hetimor po kryen veprimet procedurale në vendngjarje për të përcaktuar shkaqet e aksidentit dhe për të zbardhur rrethanat e plota të përplasjes.