Kryeministri në detyrë i Kosovës, Albin Kurti, ka thënë të premten se partitë politike duhet të fillojnë diskutim...
AKTUALITET
Përsëri PPP/ Operatori i Sterilizimit hap tender tjetër 50 milionë euro për shërbimin e dializës për 4 vjet
PiranjatPërditësimi i fundit 14 Gusht 2026, 11:54
Në fund të muajit të kaluar, qeveria shqiptare njoftoi shtetëzimin e shërbimit të dializës pas përfundimit të konçesionit 10 vjeçar.
Përmes një vendimi të posaçëm, Këshilli i Ministrave ngarkoi Operatorin e Shërbimeve të Integruara të Sterilizimit për të ofruar jo vetëm dializën, por edhe kontrollin bazë mjekësor të popullatës, që ndryshe njihet si check up.
"Shërbimi i check-up-it dhe ai i dializës do të merren në dorëzim dhe do të ofrohen nga shteti," deklaroi ministrja e Shëndetësisë, Evis Sala, menjëherë pas mbledhjes së qeverisë në datën 30 korrik.
Por qeveria ka vendosur sërish nënkontraktimin e shërbimit, këtë herë për katër vjet, shkruan Kapitali.
Operatori i Shërbimeve të Integruara të Sterilizimit shpalli në regjistrin e parashikimeve të Agjencisë së Prokurimit Publik, një tender me vlerë 4.6 miliardë lekë ose rreth 49 milionë euro për ofrimin e shërbimit të dializës në pesë spitalet publike, Shkodër, Lezhë, Korçë, Vlorë dhe Elbasan për një periudhë 4 vjeçare
Përmes kësaj proçedure, qeveria privatizon sërish shërbimin e dializës duke zgjedhur një privat, i cili do ta ofrojë këtë shërbim për 4 vitet e ardhshme, kundrejt 49 milionë eurove.
