Banorët e fshatit Cizmel në Shijak kanë protestuar për mungesën e rrugës që lidh tokat e tyre bujqësore.
Sipas banor&...
AKTUALITET
Përshtatën lokalit e natës për shitje droge në Himarë, arrestohen pronari dhe banakieri
PiranjatPërditësimi i fundit 12 Gusht 2026, 15:04
Pronari i një lokali nate në zonën e Potamit dhe punonjësi i tij kanë rënë në prangat e Policisë së Himarës, pas finalizimit të operacionit të koduar “Late-night”.
Shërbimet e policisë ndërhynë me shpejtësi në ambientet e subjektit pas informacioneve të siguruara në rrugë operative se në këtë lokal nate shiteshin lëndë narkotike. Gjatë operacionit u arrestuan në flagrancë pronari 33-vjeçar i lokalit dhe banakieri 20-vjeçar. Policia sekuestroi në cilësinë e provës materiale 150 doza kokainë, 8 doza kanabis, një pistoletë sportive pa leje dhe një peshore elektronike.
Njoftimi i policisë:
"Himarë/Finalizohet operacioni antidrogë, i koduar “Late-night”.
Zbulohet një lokal nate në plazhin e Potamit, i cili ishte përshtatur për shitje të lëndëve narkotike Kokainë dhe Cannabis Sativa. Arrestohet pronari i subjektit, i cili gjithashtu posedonte pa leje, armë sportive (pistoletë).Vihet në pranga dhe një punonjës në këtë lokal. Sekuestrohen 150 doza Kokaine, 8 doza Cannabisi, arma sportive, 2 celularë dhe 1 peshore elektronike.
Si rezultat i administrimit të menjëhershëm të informacioneve të siguruara gjatë punës operative, se në një lokal nate në plazhin e Potamit, shiteshin lëndë narkotike, specialistët për Hetimin e Krimeve të Komisariatit të Policisë Himarë finalizuan operacionin e koduar “Late-night”. Ndërhyrja e shpejtë e shërbimeve të Policisë, në ambientet e subjektit, mundësoi arrestimin në flagrancë të pronarit, shtetasit M. B., 33 vjeç, banues në Tepelenë, dhe banakierit, shtetasit A. Gj., 20 vjeç, banues në Lazarat.
20-vjeçarit iu gjetën gjatë kontrollit fizik, 5 doza lënde të dyshuar narkotike Kokainë dhe 8 doza lënde të dyshuar narkotike Cannabis Sativa, ndërkaq, gjatë kontrollit në banesën e 33-vjeçarit, u gjetën 145 doza lënde të dyshuar narkotike Kokainë, 1 peshore elektronike, si dhe 1 armë sportive (pistoletë) që posedohej pa leje. Materialet procedurale iu referuan Prokurorisë, për veprime të mëtejshme.", njofton Policia.
