Ministria e Drejtësisë ka reaguar lidhur me transferimin e Erion Veliajt nga ambientet e paraburgimit, duke sqaruar se lëvizja drejt Institucioni...
AKTUALITET
Pesë vatra zjarri aktive në Shqipëri, Ministria e Mbrojtjes tregon zonat ku flakët po përpijnë masive me pyje
PiranjatPërditësimi i fundit 29 August 2026, 21:12
Ministria e Mbrojtjes ka bërë përditësimin e fundit për situatën e zjarreve në vend, ku deri në orën 20:00 të së shtunës janë raportuar 16 vatra zjarri.
Nga këto, 5 vatra vijojnë të jenë aktive, ndërsa 2 të tjera janë nën mbikëqyrje. Për përballimin e situatës janë angazhuar gjithsej 228 forca operacionale, 10 automjete zjarrfikëse, 4 helikopterë dhe 75 efektivë të Forcave të Armatosura.
Vatra në Dajt, në Qafë-Priskë, ka pasur riaktivizime dhe në operacion janë angazhuar 25 forca zjarrfikëse/AZM, 20 efektivë të FA dhe dy helikopterë.
Në Vajkal të Bulqizës, zjarri vijon në një sipërfaqe të gjerë me shkurre dhe dëllinja, ndërsa në terren janë angazhuar 31 forca vendore e vullnetare, 30 efektivë të FA dhe një helikopter.
Aktive mbetet edhe vatra në Sllatinë të Dibrës, në një sipërfaqe pyjore, ku kanë operuar 78 forca dhe një helikopter. Sipas Ministrisë së Mbrojtjes, nuk ka rrezik për zonat e banuara.
Ndërkohë, vatra në Qafë të Helmës në Bulqizë po monitorohet dhe nuk paraqet rrezik për banesat. Në Kroin e Madh të Krujës po punohet me dy automjete zjarrfikëse dhe situata është drejt normalizimit.
Vatrat në malin e Dardhës në Librazhd dhe malin e Qukësit në Prrenjas janë nën mbikëqyrje, ndërsa zjarret në Komsi të Matit dhe Delisuf të Vlorës janë shuar plotësisht.
