Një aksident rrugor me përplasjen e tre automjeteve ka ndodhur mbrëmjen e së dielës në autostradën Rrogozhinë-Lushnj&eum...
AKTUALITET
Pësuan djegie gjatë zjarrit në hotelin në Vlorë, si paraqitet gjendja shëndetësore e dy të rinjve
PiranjatPërditësimi i fundit 17 August 2026, 20:34
Një ditë pas zjarrit që përfshiu hotelin “Brooklin” në Vlorë, 25-vjeçarja Ana Dyrmishi vijon të jetë në gjendje të rëndë, ndërsa mjekët në Qendrën Spitalore Universitare “Nënë Tereza” po monitorojnë vazhdimisht gjendjen e saj.
Burime nga QSUT bëjnë me dije se e reja ka pësuar djegie në rreth 85% të trupit dhe ndodhet e shtruar në Reanimacion.
Në QSUT vijon trajtimin edhe 30-vjeçari Aldo Kasimi. Ai ka pësuar djegie në rreth 30% të trupit dhe po mbahet nën monitorimin e mjekëve, të cilët po ndjekin ecurinë e gjendjes së tij.
Personat e tjerë që mbetën të plagosur gjatë zjarrit raportohet se ndodhen në gjendje të stabilizuar. Mes tyre ka edhe persona që pësuan dëmtime pasi u hodhën nga lartësia për t’u shpëtuar flakëve.
Zjarri shpërtheu në orët e para të mëngjesit të së dielës në hotelin “Brooklin” në Vlorë, ndërsa brenda ndërtesës ndodheshin pushues. Përhapja e flakëve detyroi disa prej personave brenda hotelit të hidheshin nga ballkonet për të dalë nga ndërtesa. Shërbimet e emergjencës ndërhynë për të nxjerrë personat e tjerë që ndodheshin në hotel.
Një ditë pas ngjarjes, gjendja e 25-vjeçares Ana Dyrmishi mbetet shqetësimi kryesor për mjekët, për shkak të sipërfaqes së madhe të trupit të prekur nga djegiet. Ndërkohë, Aldo Kasimi vijon trajtimin dhe monitorimin në QSUT.
