Gjykata e Juridiksionit të Përgjithshëm në Durrës ka dhënë vendimin përfundimtar ndaj shtetasit Elton Sina, i akuzuar p&...
AKTUALITET
Plagosja e Brian Syzos në Pogradec/ "Arrest në burg" për Nikolla Agollin dhe David Priftin
PiranjatPërditësimi i fundit 2 Korrik 2026, 13:52
Gjykata e Korçës ka caktuar masën e sigurisë "arrest në burg" për Nikolla Agollin dhe David Priftit, dy personat e dyshuar për plagosjen e Brian Syzos disa ditë më parë në qytetin e Pogradecit. Seanca gjyqsore ka nisur në orën 11, ndërsa gjykata vlerësoi se arrestimi i tij ishte i ligjshëm. Dy të rinjtë u arrestuan nga policia vetëm një ditë pas atentatit, i cili shkaktoi plagosjen e 35-vjeçarit.
Sipas dëshmisë së tij para togave të zeza, Nikolla Agolli është shprehur se është sulmuar nga Syzo. Pas kësaj ai ka qëlluar ndaj tij për ta neutralizuar, pasi sipas aaj që ka deklaruar ka dashur që ai të ndalonte sulmin.
“Kisha mundësi ta vrisja dhe nuk e bëra”, ka thënë autori.
Ndërsa i arrestuari tjetër, David Prifti i cili dyshohet se është bashkëpunëtori i tij në këtë ngjarje ka deklaruar se nuk ka gisht në këtë ngjarje.
Ngjarja e rëndë ndodhi dy ditë më parë në lagjen numër 3 të Pogradecit, ku katër persona, mes të cilëve Agolli dhe Prifti, qëlluan me armë zjarri ndaj Brian Syzos teksa ai ndodhej në automjetin e tij.
Hetimet paraprake zbulojnë se atentati ishte pasojë e konflikteve të mëparshme midis palëve. Autorët e dyshuar njihen si individë problematikë në qytet për shkak të precedentëve të mëparshëm. Ata akuzohen për një sërë veprash kriminale, përfshirë gjuajtjet me armë, rrahjet dhe presionet e vazhdueshme ndaj bizneseve lokale.
