Një prej shqiptarëve të diasporës, që po udhëton nga Anglia drejt Shqipërisë për t’iu bashkuar protestës...
AKTUALITET
Plagosja e personazhit të Tiktok/ Reagon Policia e Durrësit: Kemi identifikuar autorin, nuk e bëjmë publik emrin
PiranjatPërditësimi i fundit 16 Dhjetor 2025, 14:18
Policia e Durrësit ka reaguar me një njoftim zyrtar rreth plagosjes me armë zjarri të Fabion Kuçi, 33-vjeçarit i njohur në rrjetin e Tiktok-ut si 'Gucci'. Uniformat blu bëjnë me dije se, pasi ka marrë ndihmën mjekësore, Kuçi është larguar nga spitali dhe ndodhet jashtë rrezikut për jetën.
Sipas tyre, shërbimet e policisë kanë identifikuar autorin e plagosjes por inicialet nuk mund të bëhen publike për shkak se cënon vijueshmërinë e hetimeve. Policia gjithashtu njofton se një grup i posaçëm hetimor po punon për kapjen e autorit si dhe për të zbardhur çështjen.
Drejtoria Vendore e Policisë Durrës
"Informacion paraprak /Më datë 15.12.2025, rreth orës 23:40, në ambientet e një lokali në lagjen nr. 9, dyshohet se është plagosur me armë zjarri, shtetasi F. K., 33 vjeç, i cili ka marrë asistencë mjekësore dhe është larguar nga spitali, jashtë rrezikut për jetën. Shërbimet e Policisë kanë identifikuar autorin e plagosjes, gjenealitetet e të cilit nuk bëhen të njohura, për të mos cenuar vijimin e hetimeve. Punohet intensivisht për kapjen e autorit, si dhe në drejtimin e Prokurorisë, një grup i posaçëm hetimor po punon për të sqaruar dhe dokumentuar rrethanat e rastit."
