Po qëndronte në një hotel në Jalë, humb jetën turistja 32-vjeçare, dyshohet për…

Një 32-vjeçare me origjinë nga Londra ka humbur jetën mbrëmjen e sotme në Jalë, teksa ishte akomoduar në një hotel në zonë.

Sipas informacioneve paraprake, rreth orës 18:40, shtetasja me inicialet I. R. ka shfaqur probleme shëndetësore dhe ka kërkuar ndihmë në recepsionin e hotelit.

Stafi i hotelit e ka transportuar menjëherë drejt Qendrës Shëndetësore, ku, pavarësisht ndihmës mjekësore, 32-vjeçarja ka ndërruar jetë.

Nga verifikimet paraprake të mjekëve, dyshohet se bëhet fjalë për vdekje natyrale, pasi e reja kishte pasur probleme shëndetësore, konkretisht vështirësi në frymëmarrje dhe diabet.

Jalë, Himarë/Informacion paraprak

Më datë 21.09.2026, rreth orës 18:40, është marrë njoftim se shtetasja I. R., 32 vjeçe, lindur në Londër, Mbretëria e Bashkuar, e cila ishte akomoduar në një hotel në Jalë, kishte shfaqur probleme shëndetësore dhe kishte kërkuar ndihmë te recepsioni i hotelit.

Stafi i hotelit e ka transportuar menjëherë drejt Qendrës Shëndetësore, ku, pavarësisht ndihmës së dhënë, 32-vjeçarja ka ndërruar jetë.

Paraprakisht dyshohet vdekje natyrale, pasi nga verifikimet paraprake të mjekëve rezultoi se kjo shtetase kishte pasur probleme shëndetësore, konkretisht probleme me frymëmarrjen dhe diabetin.

Grupi hetimor, nën drejtimin e Prokurorisë, po kryen veprimet procedurale dhe vijojnë verifikimet për përcaktimin e plotë të shkakut të vdekjes.