L
Një plagosje me thikë ka ndodhur rreth mesditës në Durrës, në zonën e Shkozetit. Një i ri, rreth 25 vjeç, &eum...
AKTUALITET
Policia e Shtetit dhe Guardia di Finanza nisin për të 15-in vit radhazi fushatën antikanabis, Hita: Luftë dhe betejë kundër narkotikëve, dëmtojnë të ardhmen tonë!
PiranjatPërditësimi i fundit 15 Maj 2026, 14:15
Policia e Shtetit dhe Guardia di Finanza kanë nisur sezonin e monitorimit dhe fushatën antikanabis të përvitshme me operacione dhe kontrolle të përbashkëta.
Konfirmimi u dha sot nga institucioni, ku u mbajt edhe një takim zyrtar mes dy palëve, me rastin e vitit të 15-të të kësaj nisme.
Fushata, tashmë traditë e konsoliduar dhe dëshmi e bashkëpunimit të suksesshëm operacional, ka si objektiva parandalimin dhe goditjen e kultivimit të bimëve narkotike.
I pranishëm në këtë takim, drejtori i përgjithshëm Skënder Hita, tha mes të tjerash se:
“Lufta kundër narkotikëve, betejë edhe kundër dëmtimit të së ardhmes së shoqërisë sonë.”
Risitë e fushatës “Për monitorimin ajror, 2026” do të jenë: rritje të numrit të fluturimeve; rritje të orëve të fluturimeve; rritje të numrit të personelit të angazhuar; përdorim të teknologjive të avancuara në monitorimin ajror.
Delegacioni italian, i mirëpritur në ambientet e Drejtorisë së Përgjithshme të Policisë së Shtetit, nga Drejtori i Përgjithshëm Drejtues Madhor Skender Hita, kryesohej nga Drejtues i Lartë Lorenzo Bucossi, Drejtor i Shërbimit për Bashkëpunimin Ndërkombëtar të Policisë.
“Gjatë fjalës së mbajtur në ceremoninë e çeljes së fushatës, Drejtori Hita vlerësoi bashkëpunimin me partnerët italianë si një model strategjik dhe të konsoliduar, i cili ka sjellë rezultate konkrete në parandalimin e kultivimit të bimëve narkotike. Ai theksoi se ndërthurja e kapaciteteve operacionale, ekspertizës dhe teknologjisë ka mundësuar identifikim të hershëm të zonave me risk, ndërhyrje më efikase në terren dhe ulje të ndjeshme të rasteve të konstatuara dhe bimëve narkotike të asgjësuara, duke konfirmuar efektivitetin e qasjes parandaluese dhe bashkëpunimit ndërkombëtar”, thuhet në njoftimin zyrtar.
Kurse përfaqësuesi italian Bucossi, gjatë fjalës së tij, vlerësoi ecurinë e bashkëpunimit që tashmë është kthyer në një traditë model të partnertitetit policor.
Gjithashtu, ftoi Drejtorin e Përgjithshëm, për një vizitë zyrtare në Itali, si dëshmi e angazhimit dhe vullnetit të përbashkët, për ta intensifikuar më tej këtë bashkëpunim të bazuar në profesionalizëm dhe besim.
Më tej, Gjeneral Brigade Franzese, i kënaqur për rezultatet e arrira gjatë fushatave për monitorimin ajror, theksoi se Policia e Shtetit ka qenë gjithmonë e gatshme për të verifikuar shpejt, çdo koordinatë të raportuar nga shërbimet e GDF-së, dhe për të ndërhyrë për asgjësimin, në çdo rast të kultivimit të bimëve narkotike.
