Dy persona janë plagosur me armë zjarri mbrëmjen e sotme në zonën e Laprakës në Tiranë.
Ngjarja dyshohet se ka ndodhur ...
AKTUALITET
Policia reagon për shpërthimin te “Brryli”: Tre të dëmtuar, hetimi në vazhdim
Piranjat NewsPërditësimi i fundit 9 Shtator 2026, 08:18
Një bombul gazi dyshohet se ka shpërthyer sot në një stacion karburanti në zonën e “Brrylit”, në Tiranë, ndërsa po furnizohej me karburant një automjet.
Si pasojë e incidentit, janë dëmtuar tre persona, të gjithë punonjës të karburantit. Ata janë dërguar menjëherë në spital për mjekim. Sipas informacioneve paraprake, gjendja e tyre është e stabilizuar dhe jashtë rrezikut për jetën.
Reagon Policia e Shtetit
Policia e Shtetit ka konfirmuar incidentin dhe ka nisur menjëherë procedurat hetimore. Në një njoftim zyrtar, policia informon se:
“Sot, në një karburant në zonën e Brrylit, ka ndodhur një shpërthim i dyshuar i një bombule gazi gjatë procesit të furnizimit me karburant. Si pasojë janë dëmtuar tre punonjës të stacionit, të cilët janë transportuar në spital. Gjendja e tyre është jashtë rrezikut për jetën. Grupi hetimor, në bashkëpunim me specialistët e forenzikës dhe shërbimet e emergjencës, po vijon punën për të sqaruar rrethanat e sakta të ngjarjes dhe për të përcaktuar shkaqet e shpërthimit.”
Forcat e policisë dhe shërbimet e zjarrfikësve kanë ndërhyrë menjëherë në vendngjarje, duke evakuuar zonën përreth dhe duke siguruar skenën. Deri në këtë moment nuk ka të dhëna për dëmtime të tjera materiale të rënda apo për persona të tjerë të prekur.
