Një javë më parë, kreu i Sindikatës së Pavarur të Punonjësve të Policisë së Shtetit, Sadetin Fishta, deno...
AKTUALITET
Policia Rrugore: Mbi 11 mijë gjoba gjatë javës së fundit në Tiranë
PiranjatPërditësimi i fundit 24 August 2026, 13:12
Policia Rrugore e Tiranës bëri me dije se ka vendosur 11 420 masa administrative gjatë javës së fundit, në kuadër të kontrolleve për parandalimin e aksidenteve dhe menaxhimin e trafikut në akset rrugore, si dhe në pikat hyrëse dhe dalëse të kryeqytetit.
Gjatë kontrolleve janë arrestuar ose proceduar 55 shtetas për shkelje të ndryshme të Kodit Rrugor, ndërsa 71 automjete janë spostuar me mjet ngritës.
Kontrollet kanë pasur në fokus shkeljet që përbëjnë rrezik për sigurinë rrugore, përfshirë drejtimin e automjetit nën efektin e alkoolit, tejkalimin e shpejtësisë, përdorimin e celularit gjatë drejtimit, si dhe manovrat e gabuara.
Sipas Policisë Rrugore, gjatë kësaj periudhe janë vendosur:
36 masa për drejtim të mjetit nën efektin e alkoolit; 750 masa për tejkalim të shpejtësisë mbi normat e lejuara; 56 masa për mosrregullim shpejtësie dhe manovra të gabuara në qendrat e banuara; 309 masa për përdorimin e celularit gjatë drejtimit të mjetit; 353 masa për mosvendosjen e rripit të sigurimit; 127 masa për xhama të zinj të riveshur; 98 masa për mangësi në dokumentacion; 411 masa për mosdhënie përparësie këmbësorëve; 1369 masa për mospërdorim të kaskës mbrojtëse ose jelekut fosforeshent; 707 masa për parakalime të gabuara; 256 masa për qarkullimin e motomjeteve në korsitë e biçikletave. Policia Rrugore e Tiranës u bën apel drejtuesve të mjeteve dhe të gjithë përdoruesve të rrugës që të respektojnë rregullat e qarkullimit, me qëllim rritjen e sigurisë, parandalimin e aksidenteve dhe garantimin e një qarkullimi sa më të lirë dhe pa pengesa.
