Profesori Lush Susaj: Të rrëzojmë këtë qeveri! Po kriminalizon shoqërinë. Do të vdes në sheshe kundër diktaturave

TIRANË- Protesta qytetare në ditën e saj të 32-të ka bërë bashkë qytetarët shqiptarë. Pedagogu Lush Susaj i pranishëm në protëstë i është drejtuar qytetarëve ti bashkohen protestës të cilën e konsideron si përballja për të ardhmen e vendit.

“Është e ardhmja juaj, ndaj ngrihuni dhe ta fshijmë nga faqja e dheut këtë sistem. Jam një njeri që kam lindur në sheshet e lirisë në përballje me diktaturat dhe do të vdes po në sheshet e lirisë”, deklaroi ai, duke iu drejtuar në thirrje edhe ndërkombëtarëve.

“Ambasadat e BE-së dhe SHBA-së, na ndihmoni të heqim qafe këtë qeveri që po kriminalizon dhe dëbon shoqërinë. Shkatërrimi i sistemit shëndetësor dhe arsimor nuk sjell asgjë të mirë, por mbjell vetëm krim dhe probleme edhe për BE-në dhe SHBA-në. 

Ju që protestoni meritoni titullin qytetar, ndërsa ata që fshihen ndoshta do të bëjnë pasuri, por mbeten mjeranë”, shprehu Susaj.