PROFIL/ U zgjodh drejtuesi i ri i Policisë së Shtetit, kush është Skënder Hita, detyrat që ka mbajtur

Skënder Hita është zgjedhur si drejtuesi I ri I Policisë së Shtetit. Ai ka një karrierë në disa qarqe të vendit.

Më herët ai ka punuar në qarqet Durrës, Dibër dhe Shkodër.

Hita ka kaluar më parë procesin e vetingut në polici në vitin 2021, ku nga hetimet e bëra u konfirmua pastërtia e figurës së tij. Komisioni i Jashtëm i Vlerësimit nuk konstatoi asnjë problem si në komponentin e pasurisë as në aftësitë profesionale të Hitës.

Kujtojmë se edhe në garën e parë e kryer dy vite më parë, Hita ishte një në tre emrat më të lakuar, por në fund u vendos që në krye të policisë të vendosej Ilir Proda.

Kujtojmë se dy ditë më parë në emisionin “Kjo javë” në News24, ka deklaruar se një nga emrat më të mundshëm për tu zgjedhur në krye të Policisë, ishte Hita.
“Ka një konkurs për këtë detyrë. Kandidatët janë 14 zotërinj, dy zonja u s’kualifikuan. Ata iu përgjigjen intervistës. Është ngritur një komision, ku marrin pjesë zv.ministri i Punëve të Brendshme, sekretarja e përgjithmonë e ministrisë dhe drejtuesja e AMP, të cilët dje kanë bërë pikëzimin e kandidatëve dhe e kanë dorëzuar listën te ministri Llamallari. Disa prej tyre, kanë pasur performancë të mirë. Gara është ngushtuar dhe vërtet rreth 3-4 emrave. Emrin e propozon ministri dhe më pas ia dërgon Këshillit të Ministrave. Unë do të marr guximin të them 3-4 emra, që janë potencialë; Skënder Hita, drejtor aktual i Policisë së Fierit, Lorenc Panganika, që është në Akademinë e Policisë së Shtetit, Tonin Vocaj, që ka mbajtur poste të rëndësishme në Polici dhe Afrim Tafa. Por Rama mund të bëjë surpriza. Policia ka sfida para. Ndaj ky është momenti që drejtori i ri i policisë, të ketë kurajë dhe të thotë; jo përballë politikës!”, tha ajo.