Analisti Enton Abilekaj ka reaguar për marrëveshjen që pritet të shqyrtohet në Kuvend, duke paralajmëruar se miratimi i saj pa u...
AKTUALITET
“Prokuroria i ka duart e lidhura”, Lala: Ç’po ndodh me hetimet e Bankers
PiranjatPërditësimi i fundit 6 Prill 2026, 21:43
Gazetarja Klodiana Lala, duke komentuar masat zbutëse për disa zyrtarë të kompanisë Bankers, u shpreh se hetimi është duke vijuar, por është një dosje e vështirë për Prokurorinë e Posaçme.
Sipas Lalës, kjo është afera më e madhe në dy dekada, ku bëhet fjalë për disa qeveri të përfshira. Sipas saj, i gjithë thelbi i hetimit janë paratë që janë vjedhur.
Lala thotë se prokuroria duket se i ka duart e lidhura për këtë dosje, për shkak të kohëzgjatjes së veprës penale.
“Hetimet për aferën e Bankers po vijojnë. Janë dy prokurore. Zhvillimi më i fundit ka qenë zbutja e masës së sigurisë për shtetasit kinezë dhe ish-administratorin Leonidha Çobo, sepse nuk mund të mbahen në paraburgim ngaqë kanë kaluar afatet ligjore.
Prokuroria e Posaçme e mori dosjen nga ajo e Fierit. Dy prokuroret kanë marrë të pandehur disa persona, mes tyre edhe ish-administratorin Leronidha Çobo. Muajt e fundit kanë çuar disa letër-porosi jashtë vendit, atje ku mendohet se janë çuar paratë.
Kjo është afera më e madhe në këto 2 dekada. Bëhet fjalë për disa qeveri të përfshira. Gjithë thelbi i këtij hetimi janë paratë që janë vjedhur.
Hetimi është duke vijuar, pavarësisht se të pandehurit janë të lirë, nën masën për të mos dalë nga vendi.
Po pritet akti-ekspertimi sepse nga hetimet e deritanishëm kjo kompani nuk ka paguar asnjë lek në buxhein e shtetit. Pra është një çështje në hetim e sipër.
Jam kritike për hetimin e Bankers nga Prokuroria e Posaçme. Kjo është një zhvatje e buxhetit të shtetit, por prokuroria duket se i ka duart e lidhura për shkak të kohëzgjatjes së veprës penale. Ndoshta janë edhe në pamundësi për t’i hetuar veprat penale. Ndoshta duhet bërë një grup më i madh hetimi, jo vetëm me dy prokurore. Nuk ka asnjë të dhënë që po mbyllet kjo histori. Por po pres fatin e kësaj dosje”– tha Lala në emisionin “Të Paekspozuarit”.
