Protesta kundër qeverisë – Dëshmia rrëqethëse e invalides: Më kanë prerë dritat, jetoj vetëm me 90 mijë lekë! Si t’i blej ilaçet?

Në nisje të protestës, një dëshmi rrëqethëse ka ardhur nga një grua invalide, e cila ka treguar përpara mikrofonit të News24 gjendjen ekstreme të varfërisë dhe harresës nga ana e shtetit.

E mbetur krejtësisht e vetme pas vdekjes së prindërve, ajo ka rrëfyer se institucionet i kanë prerë edhe energjinë elektrike, duke e lënë në errësirë totale dhe pa asnjë mundësi për të blerë ilaçet me pensionin e saj qesharak.

“Jam invalide dhe më kanë prerë dritat! Jam pa drita dhe ku thërret qameti! Më kanë vdekur prindërit, jam e vetme fare, jam invalide me 90 mijë lekë (të vjetra) pension.

Si do t’i marr ilaçet unë? Unë nuk kam as lavatriçe, as frigorifer, asgjë. Jam e vetme komplet. Jam invalide pune, të rri pa drita unë? Jam shumë e sëmurë, kam qenë dy javë shtrirë.

Më kanë ndihmuar komshitë. Çfarë do bëj unë me aq lekë?” deklaroi ajo e përlotur.