Protesta kundër Ramës, i moshuari: Të keqen që i ka bërë vendit ky person, nuk ia ka bërë as pushtuesi

Protesta qytetare në Tiranë ka bërë bashkë shqiptarë të çdo moshe. Një i moshuar gjatë grumbullimit të protestuesve në shesh ka thënë se ka shumë arsye se përse duhet të dilet në protestë.

Në fjalën e tij ai u shpreh se politikat e ndjekura nga drejtuesit e kanë çuar vendin në një gjendje që nuk e kanë çuar as pushtuesit, zonat rurale kanë përjetuar një shpopullim të frikshëm që e ka shkatërruar vendin.

“Dal në protestë për shumë gjëra. Të keqen që i ka bërë vendit ky person, nuk ia ka bërë as pushtuesi. Ai nuk e di sa shqiptarë kanë ikur nga fshati, i ka shpopulluar.

Nuk ka lënë njeri pa bullizuar. Ai e shkatërroi këtë vend.”, u shpreh ai.