Napoli ka siguruar fitoren e parë nën drejtimin e Massimiliano Allegrit. Në miqësoren e zhvilluar në Dimaro,...
AKTUALITET
Protestat po trembin të huajt?/ Turisti ironizon Ramën: Të vishemi si flamingo rozë apo rosakë të verdhë?
PiranjatPërditësimi i fundit 7 Qershor 2026, 14:09
Ndërsa kryeministri Edi Rama deklaroi në podkastin e tij se protestat po ndikojnë negativisht te rezervimet turistike dhe po krijojnë pasiguri për vizitorët e huaj, një mesazh i publikuar së fundmi duket se tregon një realitet krejt tjetër.
Një turist i huaj, që nga gjuha e përdorur duket se është britanik, jo vetëm që nuk shfaq shqetësim për protestat që po zhvillohen në Shqipëri, por shpreh dëshirën për t’u bërë pjesë e tyre. Në një email drejtuar organizatorëve, ai pyet me humor se cili është “kodi i veshjes” për protestën në Tiranë.
“Lidhur me demonstratat shqiptare dhe veshjet tona, a duhet të vijmë në Tiranë të veshur si flamingo rozë apo si rosakë të verdhë?”, shkruan ai me ironi.
Mesazhi është interpretuar nga shumë protestues si një tregues se ngjarjet që po zhvillohen në vend po tërheqin vëmendjen edhe përtej kufijve, ndërsa klima e protestës po shihet nga të huajt më shumë si një manifestim qytetar sesa si një arsye për të anuluar udhëtimet.
Në fakt, përkundër pretendimeve se protestat po largojnë turistët, raste të tilla sugjerojnë se interesi i të huajve për Shqipërinë mbetet i lartë. Madje, disa prej tyre duket se janë kuriozë të përjetojnë nga afër atmosferën e protestave, të cilat javët e fundit kanë mbledhur mijëra qytetarë në Tiranë dhe qytete të tjera të vendit.
