Protestuesi: Të përmbysim sistemin që i shërben qeverisë dhe një pjese të opozitës

Në ditën e 112-të të protestës, qytetarët vijojnë të qëndrojnë në rrugë, ndërsa një prej protestuesve ka bërë thirrje për bashkim dhe ndryshim të sistemit politik.

Në fjalën e tij, ai e cilësoi protestën si një përpjekje për të përmbysur atë që e quajti një sistem 36-vjeçar, për të cilin tha se u shërben politikanëve, qeverisë dhe një pjese të opozitës.

“Kauza është e fortë, përmbysja e një regjimi 36-vjeçar, i pamerituar për shqiptarët. Një sistem që u shërben vetëm politikanëve, qeverisë dhe një pjese të opozitës shqiptare. Ky sistem duhet zëvendësuar”, tha protestuesi.

Ai bëri gjithashtu thirrje për mbështetjen e të rinjve dhe për një politikë që, sipas tij, duhet të jetë mbarëkombëtare.

“Mbështes rininë shqiptare, masën e papërlyer, sepse rrezikohet shqiptaria. Duhet një politikë mbarëkombëtare”, u shpreh ai.