Protestuesit i shkojnë Ramës te Kryeministria, humb ndjenjat njëri prej tyre

Protestuesit kanë mbërritur këtë pasdite përpara Kryeministrisë, në vijim të tubimit të 65-të kundër qeverisë, ndërsa gjatë protestës një prej pjesëmarrësve dyshohet se ka humbur ndjenjat.

Pas incidentit, aktivistët dhe qytetarët e pranishëm kanë kërkuar ndihmë mjekësore për të kontrolluar gjendjen shëndetësore të protestuesit. Nuk dihet ende gjendja e tij.

Protesta nisi në sheshin “Skënderbej”, ku qytetarët u mblodhën dhe më pas vijuan marshimin drejt Kryeministrisë, ku po zhvillohen fjalime nga organizatorët dhe pjesëmarrësit.

Ky është tubimi i 65-të i kësaj lëvizjeje qytetare, e cila prej më shumë se dy muajsh vijon protestat kundër qeverisë, duke kërkuar largimin e kryeministrit Edi Rama.

Pas përfundimit të fjalimeve, protestuesit pritet të mbyllin tubimin e sotëm me një tjetër marshim në rrugët e kryeqytetit.