Në fjalën e saj në Komisionin për Evropën dhe Punët e Jashtme, deputetja e PD, Albana Vokshi ka ngritur me tone të forta &cce...
AKTUALITET
PS kërkon përjashtimin e opozitës nga Kuvendi, Bardhi: Qeveria e Ramës është grup i strukturuar kriminal
PiranjatPërditësimi i fundit 19 December 2025, 09:36
Sekretariati për Procedurat, Votimet dhe Etikën është mbledhur për të shqyrtuar kërkesën e PS-së për përjashtimin e 29 deputetëve të opozitës.
Përfaqësuesit e opozitës kërkojnë që mbledhja të zhvillohet me dyer të hapura.
Lëvizja e maxhorancës, synon që të mos lejojë deputetët e opozitës të marrin pjesë në këtë mbledhje, duke i përjashtuar ato nga punimet e kuvendit, me fuqinë e kartonëve
Deputeti Saimir Korreshi kërkoi që mbledhja të mbahet me dyer të hapura
“ Do të duhet që mbledhja të jetë e hapur. Po kërkoni të përjashtoni 29 deputetë të opozitës pa të drejtë. Kërkoj që të na vini në dispozicion provat dhe që ato të jenë publike”
Kreu i grupit parlamentar Gazment Bardhi tha se secili prej deputetëve që ka firmosur duhet të tregohet I përgjegjshëm pasi po synohet të fshihet opozita dhe propozoj të shtyhet mbledhja për javën tjetër dhe secili deputet të njihet me provat.
Gazment Bardhi: Secili deputet që ka firmosur për pezullimin e mandatit për 60 ditë, 30 ditë apo 10 ditë duhet të tregohen të përgjegjshëm. Të tregohen të përgjegjshëm dhe të paraqesin fakte. Të mos vijnë këtu dhe të akuzojnë me terma të Sigurimit të Shtetit. Na quajnë grupazh, kur në fakt gjykata e ka treguar se grup i strukturuar kriminal është qeveria e Edi Ramës.
Këtu ju keni përfshirë deputetë që nuk kanë bërë asgjë në Kuvend, por keni dashur të fshini opozitën nga Kuvendi, sepse doni një Kuvend njëpartiak. Thoni këtu: qëllim keni pasur pengesën tonë në Këshillin e Imuniteteve, prandaj edhe ua caktuat mbledhjen në orën 9.
Kështu që propozoj të shtyhet mbledhja për javën tjetër dhe secili deputet të njihet me provat.
