Në një deklaratë për mediat, Drejtuesi i Departamentit të Shëndetësisë në PD, Ilir Alimehmeti, u shpreh se rikthi...
AKTUALITET
Pse dështoi vrasja e Mir Bitocit në Elbasan? Ja çfarë i ndodhi autorit sekondën e fundit
PiranjatPërditësimi i fundit 15 Gusht 2026, 19:13
Pamjet e siguruara nga lokali në Elbasan, tregojnë gjithë dinamikën e ngjarjes së rëndë të një atentati të dështuar.
Autori duket se po qëndron në kafene bashkë me një grua dhe, teksa po qëndron në telefon, sheh t’i kalojë para objektivi i tij, i identifikuar si Mir Bitoci.
Menjëherë ai çohet, nxjerr armën që mbante në çantë dhe ndjek Bitocin nga pas. Fatmirësisht arma nuk shkrep kur ai ia vendos në kokë dhe Bitoci reagon duke u larguar me shpejtësi nga vendi i ngjarjes.
Autori, Poli Boriçi, u arrestua pak orë më vonë.
Bitoci qëndron për disa momente në ambientet e brendshme dhe më pas ngrihet nga tavolina për t’u larguar.
Por lëvizjet e tij duket se janë ndjekur nga një tjetër person, i cili në atë moment ndodhej gjithashtu në lokal, duke konsumuar kafe në shoqërinë e një shtetaseje.
Menjëherë pasi Bitoci ngrihet dhe del jashtë, edhe personi tjetër largohet nga lokali dhe e ndjek nga pas.
Pamjet e kamerave tregojnë se, jashtë ambientit të lokalit, personi me bluzë të bardhë i afrohet nga pas Bitocit dhe i vendos një armë zjarri në pjesën e pasme të kokës. Reagimi i shpejtë i objektivit të atentatit mund të ketë shmangur tragjedinë. Në këtë moment, situata merr një tjetër drejtim.
Sipas të dhënave paraprake, Bitoci ka reaguar menjëherë dhe ka arritur të largohet me shpejtësi nga vendi i ngjarjes.
Një tjetër element që po verifikohet nga grupi hetimor është dyshimi se arma tip pistoletë e personit që e kërcënoi është bllokuar në momentin kur ai ka tentuar të qëllojë.
Nëse kjo rrethanë konfirmohet nga ekspertiza balistike, ajo mund të jetë një prej elementeve kyçe të hetimit për të përcaktuar nëse kemi të bëjmë me një tentativë të drejtpërdrejtë vrasjeje.
Hetuesit po mbështeten në dëshmitë e personave që ndodheshin në lokal, por edhe në pamjet e kamerave të sigurisë, të cilat kanë regjistruar lëvizjet e personave të përfshirë para, gjatë dhe pas incidentit.
Këto pamje pritet të ndihmojnë në përcaktimin e mënyrës se si është organizuar përplasja, nëse personi i dyshuar e ka ndjekur qëllimisht Bitocin dhe cili ka qenë motivi i kësaj ngjarjeje.
Deri tani, motivi mbetet i paqartë dhe pritet të jetë një prej pikave kryesore të hetimit.
Emri i Ermir Bitocit nuk është i panjohur në zonën e Elbasanit. Sipas të dhënave të publikuara dhe informacioneve që qarkullojnë prej vitesh, emri i tij është përmendur në lidhje me episode të periudhës së trazuar të viteve 1997–2000. Më pas ai më së shumti ka jetuar jashtë.
