16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
AKTUALITET
“Pse më sheh”/ Vrau 24 vjeçarin dhe i plagosi të atin, Gjykata e Shkodrës lë në burg autorin
PiranjatPërditësimi i fundit 11 September 2026, 12:23
Gjykata e Shkodrës ka vendosur masën e sigurisë "arrest në burg" për Andri Vulaj, autor i vrasjes të Ylber Lulit. ngjarje e cila ndoshi më 8 shtator në lagjen “Kongresi i Përmetit”. Bëhet me dije se autori nuk ka dhënë asnjë dëshmi në lidhje me ngjarjen, as para trupës gjykuese dhe as para policisë. Avokati i tij mbrojtës ka bërë me dije se Vulaj ka disa plagë në trup përfshirë, dëmtime në fytyrë, qafë dhe pjesën e krahut.
Nga ana tjetër, babai i viktimës ka dhënë dëshiminë e tij, në të cilën ka treguar se ka qenë në gjumë dhe ka dëgjuar disa zhurma të cilat vinin nga pjesa e oborrit. Pas kësaj ai ka rrëfyer se e kanë goditur me thikë autorin, ndërsa fill pas kësaj djali i tij ka marrë një plagë në pjesën e barkut. Si pasojë e plagëve të rënda ai ka humbur jetën, ndërsa i ati ka mbetur i plagosur.
Prokuroria ka bërë me dije se viktima Ylber Luli përmes SMS i ka kërkuar dy shokëve të tij që ta sjellin në shtëpi autorin Andri Vulaj që të sqaroheshin. Fillimisht ata kanë shkuar te banesa për tu sqaruar, po situata ka agravuar, në momentin që viktima ka goditur me thikë autorin, ku ky i fundit pas kësaj e ka qëlluar atë me pistoletë të vogël. Dyshohet se sherri mes tyre ka nisur në një lokal, për shkakun e shkëmbimeve të shikimeve. “Pse më sheh”, kjo besohet të ketë qenë fjala hyrëse e cila ka paraprië konfliktin.
