Kryetari i Partisë Demokratike, Sali Berisha, ka denoncuar atë që e cilësoi si një nga aferat më të rënda të qeve...
AKTUALITET
Radhët kilometrike në kufi/ Greqia lehtëson procedurat kufitare me Maqedoninë para sezonit veror
PiranjatPërditësimi i fundit 31 Maj 2026, 15:58
Greqia po shkurton procedurat në hyrje të kufirit me Maqedoninë, kjo me qëllim shmangien e rradhës së gjatë dhe rrëmujave të krijuara si pasojë e fluksit të lartë. Në kuadër të kësaj, autoritetet greke kanë miratuar një pakëtë masash, e cila mundëson uljen e pritjeve të gjata në pikat kufitare Bogorodicë–Evzoni dhe Dojran, në prag të sezonit veror.
Mediat shkruajnë se këto fokusi i kësaj ka qenë në forcimi i sistemeve informatike për realizim më të shpejtë të kontrolleve, me qëllim lehtësimin e qarkullimit të udhëtarëve dhe automjeteve.
Shkaku kryesor i masave të reja lidhet me zbatimin e sistemit europian EES, i cili ka rritur kohën e kalimit të udhëtarëve në pikat kufitare me Greqinë. Sistemi kërkon verifikime elektronike dhe biometrike, një proceduarë e cila zgjat më shumë sesa vulosja klasike e pasaportave.
Për udhëtarët që hyjnë për herë të parë në vend i BE-së, procesi përfshin regjistrimin e të dhënave në sistem dhe identifikimin biometrik, gjë e cila ka sjellë vonesa të konsiderueshme dhe krijimin e radhëve të gjata në kufi.
Zëvendësministri maqedonas, Konstantinos Gulekas theksoi gjatë një takimi në Selanik se rritja e qarkullimit turistik dhe tregtar, së bashku me kontrollet e reja biometrike të BE-së, po krijojnë vonesa shtesë në kufi. Gulekas tha se qëllimi është koordinim më i mirë mes shërbimeve, ndërsa masat e dakorduara do të fillojnë të zbatohen menjëherë.
Ndërsa, ministri grek për Mbrojtjen e Qytetarëve, Mihalis Hrisohodis, ka deklaruar se Greqia është e detyruar ta zbatojë rregulloren evropiane, ndërsa theksoi se problemi qëndron si te kontrollet biometrike, ashtu edhe te infrastruktura e vjetëruar e pikave kufitare.
