George Desmond Kamurasi mund të kalojë së shpejti nga dorezat e portierit te një kurorë mbretërore. Kapiteni 36-vjeçar i ...
AKTUALITET
“Rama ik”, “Atdheu nuk është në shitje”, pankartat pikante në protestë
PiranjatPërditësimi i fundit 5 Qershor 2026, 18:51
Sot është e gjashta ditë që qytetarët kanë mbushur plot bulevardin “Dëshmorët e Kombit”.
Në duar qytetarët mbanin pankarta që distancojnë protestën nga politika, si “Rama ik”, ndërsa nuk kanë munguar edhe “Atdheu nuk është në shitje” dhe “Edi Rama dorëhiqu”, “Toka është e maskarenjve por Atdheu i shqiptarëve”, “2000 euro metri katror, 600 euro qeraja, 700 euro paga”, “Ju jeni hajdutë”, “Di gjë ka ilaç kundër helmit të gjakpirësve”, “Shoqëria është e jona”.
Tubimi zhvillohet një ditë pasi organizatorët publikuan pesë kërkesa që i drejtohen qeverisë, duke argumentuar se çështja e Zvërnecit nuk lidhet vetëm me një projekt të veçantë, por me një sërë vendimesh dhe ndryshimesh ligjore që, sipas tyre, kanë favorizuar interesa private në kurriz të interesit publik.
Mes kërkesave të protestuesve është dorëheqja e qeverisë, të cilën e konsiderojnë përgjegjëse për politikat që kanë çuar në situatën e krijuar në Zvërnec. Ata kërkojnë gjithashtu shfuqizimin e statusit dhe kuadrit ligjor për investitorët strategjikë, anulimin e Paketës së Maleve, shfuqizimin e ndryshimeve në ligjin për Zonat e Mbrojtura, si dhe anulimin e ndryshimeve në ligjin për trashëgiminë kulturore shqiptare.
