L
Një plagosje me thikë ka ndodhur rreth mesditës në Durrës, në zonën e Shkozetit. Një i ri, rreth 25 vjeç, &eum...
AKTUALITET
Reshje intensive edhe në orët në vijim. Tre qytetet që rrezikojnë përmbytje
PiranjatPërditësimi i fundit 17 Maj 2026, 12:23
Era e fortë dhe reshjet intensive kanë sjellë probleme në disa zona të qytetit të Durrësit, duke krijuar vështirësi në qarkullim.
Si pasojë e erës së fortë, në zonën e Plepave disa pemë janë rrëzuar, duke bllokuar një segment të rrugës dytësore pranë rrethrrotullimit.
Por nga moti i keq dhe reshjet intensive janë përfshirë shtatë qarqe të vendit, Shkodra, Kukësi, Dibër, Lezhë, Durrës, Tiranë dhe Elbasan janë përfshirë nga reshje mesatare deri intensive.
Sipas buletinit të Institutit të Gjeoshkencave, reshjet në këto qarqe janë edhe në formën e shtrëngatave dhe shoqërohen nga rrufe.
Për shkak të intensitetit të lartë të reshjeve, IGJEO jep alarmin se shtrëngatat mund në krijojnë probleme si rrëshqitje të dherave dhe vërshime të ujit në zonat urbane të lokalizuara, në varësi të sistemit të kanalizimeve, sidomos në qarqet Durrës, Shkodër apo Lezhë.
Era e fortë parashikohet të vijojë edhe në orët në vijim të kësaj të shtune dhe gjatë natës, kryesisht në bregdet dhe zonat e ulëta, ndërsa të dielën parashikohet të ulet intensiteti i saj dhe do jetë kryesisht një erë e lehtë deri mesatare.
Ndërkohë që reshjet e shiut gjatë të dielës parashikohet të jenë të dobëta në të gjitha qarqet. Për shkak të reshjeve dhe lagështisë në ajër temperaturat kanë pësuar ulje me disa gradë.
Sipas IGJEO, vlerat të dielën do të arrijnë në 20 gardë Celsius në zonat e ulëta ndërsa vlerat minimale do të zbresin në 6 gardë Celsius në zonat malore.
