16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
AKTUALITET
"Revolta kur ndizet nuk ndalet", Tepelena: Balluku me vilë sekrete, pensionistët mezi blejnë ilaçet
PiranjatPërditësimi i fundit 14 September 2026, 19:48
Protesta kundër qeverisë ka vijuar për të 107-ën ditë radhazi para Kryeministrisë, ku qytetarët janë mbledhur sërish duke kërkuar largimin e qeverisë dhe ndryshime në mënyrën e qeverisjes së vendit.
Një prej atyre që mori fjalën gjatë tubimit ishte aktivisti Andi Tepelena, i cili lëshoi akuza të forta ndaj qeverisë së kryeministrit Edi Rama.
Në fjalën e tij, Tepelena u ndal te politikat e qeverisë për pronat dhe investimet, duke pretenduar se nisma të tilla si “Paketa e Maleve” dhe legjislacioni për investitorët strategjikë rrezikojnë interesat e vendit.
Aktivisti foli gjithashtu për gjendjen ekonomike të familjeve, pensionistëve, të rinjve dhe punonjësve të Policisë së Shtetit, ndërsa pretendoi se kostot e jetesës dhe të banesave po rëndojnë gjithnjë e më shumë mbi qytetarët.
Gjatë fjalës së tij, ai iu referua edhe zhvillimeve që lidhen me hetimet e SPAK, si dhe një incidenti të pretenduar me efektivë policie gjatë protestave.
“Shqiptarët bëhen bashkë për të shpëtuar kombin, kombi është në rrezik. Antishqiptari me emrin Edi Rama po bën ligje që vënë në rrezik territorin. Ligje si paketa e maleve, investitori strategjik, cënon vendin. Shqipëria është në udhëkryq, kombi është në udhëkryq, ndaj duhet të jemi bashkë. Sot SPAK doli me një deklaratë që ka një vilë të 3 sekrete të Ballukut. Ky është një krim… Pensionistët mezi paguajnë ilaçet dhe të rinjtë nuk blejnë dot një shtëpi… Policia e Shtetit me 600 mijë mëzor sigurojnë rritjen e fëmijëve… Studentët dje e demaskuan hajduten. Një polici qëlloi me grusht një protestues dhe shefi i tij bënte sehir. Ky është një turp. Durimi ka kufi dhe kemi treguar që jemi paqësor, popull i emancipuar. Mos na provokoni sepse revolta popullore kur të ndizet nuk ndalet më”, tha Tepelena.
