Ministria e Drejtësisë ka reaguar lidhur me transferimin e Erion Veliajt nga ambientet e paraburgimit, duke sqaruar se lëvizja drejt Institucioni...
AKTUALITET
Rikthehet në Policinë e Shtetit Ritvan Pali, oficeri që drejtoi arrestimin e Altin Morinës
PiranjatPërditësimi i fundit 30 August 2026, 16:57
Pas një shkëputjeje prej nëntë muajsh nga Policia e Shtetit, Ritvan Pali është rikthyer në radhët e uniformave blu, këtë herë në një detyrë të rëndësishme në Drejtorinë Vendore të Policisë Lezhë.
Pali, me përvojë të gjatë në strukturat e Policisë së Shtetit dhe formim juridik, është emëruar në pozicionin e Shefit të Operacionales në Lezhë.
Karriera e tij në polici mori një kthesë në prill të vitit 2025, kur në detyrën e shefit të Komisariatit Nr. 2 në Tiranë drejtoi operacionin për arrestimin e Altin Morinës, ish-efektiv i RENEA-s, i shpallur në kërkim nga SPAK.
Ndjekja e këtij rasti u pasua nga një periudhë me tensione institucionale nën drejtimin e atëhershëm të Policisë së Shtetit nga Ilir Proda, gjë që solli transferime të njëpasnjëshme dhe uljen e tij në gradë.
Oficeri vendosi ta kundërshtojë masën disiplinore në rrugë gjyqësore. Gjykata Administrative i dha të drejtë Palit, duke shfuqizuar vendimin disiplinor ndaj tij.
Pavarësisht vendimit të gjykatës, ai zgjodhi të qëndrojë përkohësisht jashtë strukturave të Policisë së Shtetit.
Tashmë, pas rreth nëntë muajsh shkëputje, Pali është rikthyer në detyrë. Rikthimi i tij vjen pas ndryshimeve në drejtimin e lartë të Policisë së Shtetit dhe emërimit të Skënder Hitës në krye të institucionit.
