Kryetari i Partisë Demokratike, Sali Berisha, ka akuzuar kryeministrin Edi Rama se po ndërmerr veprime ndaj kryebashkiakut Erion Veliaj nga frika se m...
Grabitja e bankës së nivelit të dytë të hënën te Komuna e Parisit, ku u morën rreth 60 mijë euro, zgjati vetë...
AKTUALITET
Rikthehet pas dy vitesh “gara” për minierat, MIE nxori për konkurrim 7 zona, nga kromi te platini
PiranjatPërditësimi i fundit 4 September 2026, 07:07
Pas thuajse dy vitesh, Ministria e Infrastrukturës dhe Energjisë i është rikthyer shpalljes së procedurave konkurruese për zonat minerare, ku në fund të gushtit ishin të paktën shtatë të tilla për të cilat mund të shprehej interes afat që tashmë ka përfunduar.
Këto zona, sipas hartave, përfshijnë gips, krom, argjilë, ranor silicor dhe kaolinë, ndërsa në dy prej tyre parashikohet kërkim-zbulim për krom dhe platin.
Zona me rezervën më të madhe është objekti Greva në Bashkinë Dibër. Dokumentet evidentojnë rreth 15 milionë tonë gips, me cilësi 34% CaO, në një sipërfaqe prej 0.74 km². Për këtë zonë kërkohet prodhim minimal prej 10 mijë tonësh në vit dhe investim minimal prej 150 mijë eurosh.
Në Bulqizë, objekti Liqeni i Skënderit ka rezerva të deklaruara prej 3 mijë tonësh krom, me përmbajtje 34-36% Cr2O3. Zona është për shfrytëzim, me prodhim minimal të kërkuar prej 1 mijë tonësh në vit dhe investim minimal prej 60 mijë eurosh.
Në Krekëz, në Bashkinë Delvinë-Finiq, në garë është një zonë me rreth 1 milion tonë rezerva argjile. Prodhimi minimal i parashikuar është 10 mijë tonë në vit, kundrejt një investimi minimal prej 150 mijë eurosh.
Një nga zonat që veçon dokumenti është Bregu i Bibës në Tropojë, ku kërkim-zbulimi do të fokusohet te platini dhe kromi.
Zona ka një sipërfaqe prej 2.84 km², ndërsa kriteri minimal parashikon zhvillimin e aktivitetit në të paktën 1 km² dhe një investim prej 56,794 eurosh. Në këtë fazë, dokumenti nuk përcakton sasi minimale prodhimi, pasi aktiviteti është kërkim-zbulim.
Edhe zona Vrith-Përroi Magjarit në Pukë është për kërkim-zbulim të kromit. Sipërfaqja e saj është 1.1 km², ndërsa investimi minimal i kërkuar është 22,005 euro. Edhe për këtë zonë nuk parashikohet ende prodhim minimal vjetor.
Në Bulqizë, objekti Smullik ka rezerva të deklaruara prej 1.05 milionë tonësh ranor silicor, me përmbajtje rreth 60% SiO2. Për shfrytëzimin e zonës kërkohet prodhim minimal prej 1 mijë tonësh në vit dhe investim minimal prej 200 mijë eurosh, më i larti ndër zonat e nxjerra në konkurrim.
Lista plotësohet me objektin Vig në Lezhë, ku dokumentet japin rezerva prej 300 mijë tonësh kaolinë, me përmbajtje 27-29% Al2O3. Për zonën kërkohet prodhim minimal prej 10 mijë tonësh në vit dhe investim minimal prej 150 mijë eurosh./Monitor
