Rrufeja godet tufën e deleve në Dardhas të Pogradecit, ngordhin rreth 10 krerë

Një tufë delesh është goditur nga rrufeja këtë të premte në fshatin Dërdushë të Bashkisë së Pogradecit. Si pasojë e goditjes nga rrufeja kanë ngordhur rreth 10 dele, ndërsa 17 të tjera janë plagosur.

Tufa, e përbërë nga rreth 190 krerë dele dhe dhi, është në pronësi të Tatjana Biçokut dhe ishte në shtegtim nga zona e Pirgut drejt kullotave malore, kur u godit nga rrufeja. Fatmirësisht, nga ngjarja nuk raportohet për persona të lënduar.

Ndërkohë, në vendin e ngjarjes janë nisur shërbimet veterinare për të vlerësuar gjendjen e bagëtive të mbijetuara dhe për të marrë masat e nevojshme.